Galaxy S23 Ultra 200

Samsung компанияси янги Galaxy S23 флагман смартфонлари сериясини эълон қилди. Компания вакиллари Galaxy Unpacked тадбири чоғида смартфонларни тақдим этди. Маросим компаниянинг YouTube каналида намойиш этилди.

Янги смартфонлар қаторига Galaxy S23, Galaxy S23+ ва Galaxy S23 Ultra киради. Серия қурилмалари Snapdragon 8 Gen 2 процессори ва 8 гигабайт оператив хотира билан таъминланган.

Асосий смартфон 6,1 дюймли Dynamic AMOLED 2X дисплейга эга бўлиб, 120 герц частотасини қўллаб-қувватлайди, 128 гигабайтлик диск, 50, 12 ва 10 мегапикселли линзали уч камерага эга. Қурилма 3900 миллиампер-соат қувватга эга аккумуляторни олди. Galaxy S23+ модели асосий смартфондан 6,6 дюймли экран ва 4700 миллиампер-соатли батареяга эгалиги билан фарқ қилади.

Сериянинг энг яхши телефони 6,8 дюймли дисплейни олди. Galaxy S23 Ultra 200, 12, ва 10 мегапикселли камералар, 100 марта катталаштира оладиган масштабли камера, 5000 миллиампер-соатли батареяга эга.