Главная ➤ Новости ➤ 02.02.2023
Кейинги вақтларда сунъий идрок атамаси тез-тез қулоққа чалинмоқда. У ўзи нима? Олимлар, IT-мутахассислари, ақлий меҳнат билан шуғулланувчилар, талаба ва мактаб ўқувчилари ундан катта умид қилишмоқда. Сиёсатдонлар ва ҳарбийлар эса ундан ўз мақсадлари йўлида фойдаланмоқчи.
Бу технологиялар кеча ё бугун пайдо бўлиб қолгани йўқ, лекин унга нисбатан оммавий қизиқиш 2011–2012 йилларда пайдо бўлган. Ўшанда инсонни товушидан таниб олиш каби чиндан ҳам мураккаб масалалар ечила бошлаган. 2012 йил кузида тасвирларни синфлаш танловида AlexNet тармоғининг ғалабаси бу ёндашув бошқалардан устунлигини намойиш этиб берди.
2010-йиллар ўрталаридан бошлаб ҳар бир йирик технокорпорация ва истиқболли стартапларнинг кўпчилиги нейротармоқли технологиялардан фойдаланиб, уни ривожлантира бошлади. Сунъий идрокни ҳар қандай жойда ишлатиш мумкинлиги ойдинлашди. Масалан, агар 2012 йилда Google чуқур ўрганиш соҳасида иккитагина лойиҳа бўлган бўлса, 2016 йилга келиб уларнинг сони мингдан ошди. Соҳа гуркираб ривожланиши бутун дунё бўйлаб ҳукуматлар эътиборига туша бошлади.
Сунъий идрок васвасасига Кремл иккинчи ўн йиллик охирига келиб эътибор қарата бошлади. 2019 йилнинг майида Владимир Путин AI соҳасида монополияга эришган одам «жаҳонга мутлақ ҳоким» бўлишини таъкидлади. У AI соҳасида «технологик суверенитет»га эришишга буйруқ берди. Ўша йилнинг кузида «Сунъий идрок» миллий лойиҳаси ва AI’ни 2030 йилгача ривожлантириш бўйича миллий стратегияни таъсис этувчи фармон имзолади.
г. Ташкент, Шайхантахурский р-н, улица Кукча Дарвоза, дом 10
Установка и обслуживание систем безопасности, автоматизации и связи.